Avannaani innarluutillit nunaqarfimmiut atugarliorput

Innarluutillit nunaqarfinni avannarpasinnerusuniittut atukkamikkut inuuniarnermikkullu oqimaatsorsiorput, ilaatigut kommunemi sullinneqarnermikkut utoqqaat sullinneqartarnerattut allaassuteqangaanngitsumik atugassaqartinneqarlutik, aningaasaarsiat aamma eqqarsaatigalugit, Kangersuatsiami innarluutillit peqatigiiffiata siulittaasua 61-nik ukiulik Pele Jensen taama oqarpoq.

Kangersuatsiaq Upernaviup kommuneaniittoq kisiartaalluni Innarluutillit Kattuffiannut ilaasortaavoq, Pele Jensenilu isumaqarpoq nunaqarfinni innarluullit atugaat pitsaanerusariaqartut.

-Imminut piumaffiginngikkaani periarfissat killililerujussuupput, Pele Jensen oqarpoq. Aamma isumaqarpoq Avannaani nunaqarfimmiuulluni misinnartartoq kujasinnerusuniittunut atugaat pitsaanerusartut.

Kangersuatsiami innarluutillit peqatigiiffiat Upernaviup Kommunianut arlaleriarluni saaffiginnittarsimagaluarpoq innarluutilinnut politikkeqarnersoq ujartuilluni. Innarluutillit ulluanni qulequtaritinneqartoq ”Nalittut Pinnga” Kangersuatsiami innarluutillit peqatigiiffiata siunnersuutaa tunngavigalugu toqqagaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat