Avannaani ilisimasanik katersuivik ataatsimiissutigaat

Nunatta Avannaani Ilisimasanik Katersuivik, taama taagutilik Kommunit kattunnissaannut atatillugu Kangaatsiami marsip 5-ani innuttaasunik ataatsimiititsinermi eqqartorneqarpoq.
Allattoq Louise M. Kleemann
marsip 07-at 2008 12:50

- Ilinniartitaaneq, inuutissarsiorneq kiisalu takornariaqarneq tassaniisinnaasutut takorloorneqarput, Sakæus Olsen, Kangaatsiap kommuniani inuussutissarsiornermut pisortaq oqarpoq. Taamalilluni pineqartut inerisarneqarnissaannut toqqammaviliisoqartoq aamma oqaatigaa.

Nunatta Avannaani Ilisimasanik Katersuivik Kangaatsiap kommunianiit Qaanaap kommunia ilanngullugu atuttussatut takorloorneqarpoq. Sakæus Olsenip ataatsimiinnermi eqqaatsiarpaa qitiusumik allattoqarfiup sumiinnissaa kommunit kattussat akornanni pagganneqartoq.

- Neqeroortoqarsinnaavoq Kangaatsiamiissinnaasoq, Sakæus Olsen oqarpoq. Nunatta Avannaani Ilisimasanik Katersuiviup atulernissaa januaarip aallaqqaataani 2009-mi takorloorneqarpoq.

- Naatsorsuutigineqassaaq ikaarsaariarnermi ataatsimiititaliami aamma suliarineqarumaartoq, Sakæus Olsen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq