Avannaani assartuineq kinguaattoorfiusinnaasoq
Avannaa issittukasiuvoq kitaatalu sikorsua illuariartorluni. Tamannalu assartuinermut akornuseeratarsinnaavoq. Royal Arctic Line taama nalunaaruteqarpoq.
Allattoq Bikki P. Kleist
novembarip 07-at 2018 08:44
Kitaata sikorsua Qeqertaalummut sukkasuumik illuariartorpoq, issinneralu taamaaginnassappat Uummannap Sullua Qeqertarsuullu Tunua sikoriaannaapput.
Umiarsuup Vestlandiap Upernavimmut nunaqarfiinullu tikinnissaa naatsorsuutigaarput, angalanerilli siuliini kinguaattoornerit pissutigalugit kinguaattoorfiussaaq, Royal Arctic Line nalunaaruteqarpoq.
Umiarsuup Pajuttaatip Uummannamut nunaqarfiinullu pilersaartit naapetorlugit tikissinnaanissaa aamma naatsorsuutigineqarpoq.
Silap qanoq innera malinnaaffigeqqissaarpavut, Royal Arctic Line taama nalunaaruteqarpoq.