Avannaani angalanermi Dundas eqqartorneqassaaq

Dundasip qeqertaasaani saliinissaq eqqartorneqassaaq Anthon Frederiksenip avannaani angalanerata nalaani. Tamannalu pillugu Pituffimmi inuttaasut sinniisaat aammalu Qaanaami inuuttaasunik ataatsimiittoqassalluni.

Dundasip qeqertaasaani amerikamiut qimatarpassuinik ukioq manna naatinnagu torersaassisoqassasoq, Nunatta Naalakkersuisuisa aamma danskit Naalakkersuisuisa ukioq manna naatinnagu isumaqatigiissuteqarfigissavaat.

Torersaassineq pitinnagu, Nunamut Namminermut Naalakkersuisup, Anthon Frederiksenip Pituffimmi innuttaasut sinniisaat ataatsimeeqatigissavai aamma Qaanaami inuttanik ataatsimiititissaaq, tassani misissukkat assigiinngitsut saqqummiunneqassallutik.

Dundas Pituffimmi sakkutooqarfimmut atasimasoq 2003-mi inuinnaat akisussaaffigilerpaat, taamanermiilli arlaleriarluni tamaani avatangiisinut pissutsit misissorneqartarsimapput. Avatangiisit mingutsinneqarsimanerat pillugu suleqatigiisitaliortoqarsimavoq danskinik kalaallinillu inuttalimmik, taakkulu Dundasimi pissutsinik allaaserisaqarsimapput.

Pituffiup eqqaani saliinissat danskit akisussaaffigissagaat, siorna ukiakkut Anthon Frederiksenip oqaatigaa. Taamanili arlaleriarluni danskit avatangiisinut ministeriat, Troels Lund Poulsen, ataatsimeeqartigisarpaa, pisunik nukigisaaraluni.

- Ukioq 2010 naatinnagu Naalakkersuisut aamma danskit Naalakkersuisui isumaqatigiinniareersimassapput, tusagassiutinut nalunaarummi Anthon Frederiksen allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat