Avannaamioqatigiit killiit ilinniartitaaneq immikkut sammileraat
Isumasioqatigiinneq Sisimiuni ingerlanneqassaaq, videokkullu Torshavnimit, Akureyrimit Stavangerimillu peqataasoqarsinnaassalluni. Taamaaliornikkummi sapinngisamik amerlanerpaat ilinniartitaaneq pillugu suleqatigiinnermi FING-imik taasami paasisaqarsinnaaniassammata.
FING tassaavoq Savalimmiuni, Islandimi, Norgemi Kalaalliy Nunaannilu ilinniarfiit kattuffiat (Vínnuháskúlin, Verkmenntaskólinn Á Akureyri, Stavanger offshore tekniske skole aamma Nunatsinni Aatsitassalerinermik Ilinniarfik). Tassani uuliasiorluni suliffissaqarnermi sulilernissamik eqqarsaateqatut ilinniartitaanerisa pitsaanerulersinnissaat naleqqunnerulersinnissaallu sulissutigineqarpoq.
Norgemiut immikkut ilisimasallit marluk isumasioqatigiinnermi saqqummiisuussapput. Tassaallutik ujarassiooq Anna Marita Braaten aamma uuliasiornermi ingeniøri Børge Harestad.
