Avannaa qinngasaarufiunnginnerussaaq
Meeqqat qinngasaartittartut ikinnerulissapput, taamaammat Qaasuitsup Kommuniani tamarmi ilinniartitsisut perorsaasullu meeqqat akornanni akaarinninneq, sorsuarinninneq ataqqinninnerlu qanoq siuarsarneqarsinnaanersut pillugit maanna pikkorissartinneqarput.
Allattoq Carla Davidsen
decembarip 05-at 2011 06:35
Pinaveersaartitsinermut siunnersortit ningiuat, Helga Nielsen, Røde Kors suleqatigalugu pikkorissartitsisuuvoq, taanna Aasianneereriarluni Ilulissaniippoq. Taamanna Qaasuitsup Kommunianit ilisimatitsissutigineqarpoq.
Suliniaqatigiiffik Kammagiitta suleqatigineqarpoq. Kommunimi meeqqaat pingasut arfineq-pingasullu akornanni ukiullit piffissap ingerlanerani ilikkagassaqartinneqassapput. Meeqqat akornanni qinngasaaruttarneq annikillisarniarneqarpoq, meeqqallu toqqissisimasumik ataatsimoornissaat meeqqerivinniinneranni ilinniartinneqassaaq, atualerunik tamanna aamma ingerlateqqinniartussaassallugu. Qaasuitsup kommuniata nittartagaani taamanna allaaserineqarpoq.
