Avanersuarmik mingutsitsineq pillugu nalunaarusiortoqarpoq
Avanersuarmi 1968-mi timmisartorsuup qaartartorsuutip B52-ip qaartartorsuarnik usisup nakkarnerata kingorna Avaneruarmik mingutsitsisimaneq pillugu Danmarkimi Ilisimatusarfiup Risømiittup nalunaarusiaata saqqummiuppaa, timmisartorsuup nakkarfiata eqqaa nuna Narsaarsuk qinngornerinik ulorianartunik radioaktiviusunik plutoniummimeersunik mingutsinneqarsimasoq.
Avanersuarmi 1968-mi timmisartorsuup qaartartorsuutip nakkarnerata kingorna, qaartartut usisat akuat plutonium qinngornernik ulorianartunik aniatitsisartoq nakkarfiup eqqaani nunami Narsaarsummi mingutsitsilersimasoq Danmarkimi Risømi ilisimatusarfik taama nalunaarusiorpoq.
Timmisartorsuup nakkarnerata kingorna immap naqqata plutoniummeqarnera paasineqareerpoq, tatumali kingorna massakkut aatsaat tassa paasineqarpoq nunap ilaa aamma mingutsinneqarsimasoq.
Avanersuarmi nunap mingutsinneqarsimasinnaaneranik Risømi ilisimatuut 2003-mili misissuilerput ukioq mannalu aggustimi misisuinermit inernerungallartuni allaqqasoqarpoq:
” Narsaarsummi plutoniummip siumorneqartup qinngorneri ulorianartut inunnut tamaani angalasunut sunniuteqarsinnaanerat avaqqutaarneqarsinaanngitsoq.
Taamaattorli mingutsitsineq pineqartoq inunnut annikitsuinnarmik sunniuteqarsinnaasoq nalunaarusiami aamma taaneqarpoq.
Danmarkimi naalagaaffiup qinngornernut ulorianartunut tunngasunik suliaqartoqarfiata- Staten
Statens Institut for Strålehygiejnep nalunaarusiami saqqummiunneqartut nalilersorniarpai.
Tamanna pereerpat Narsaarsummi misissuisoqaqqissinnaaneranik avatangiisinut ministeriaqarfik peqqinnisamullu ministeriaqarfik naliliissapput.
Nunatsinni naalakkersuisut nalaunaarusiap imarisaa pillugu ippassaq ilisimatinneqartut suli oqaaseqaateqanngillat.
