Avammut tunisat pisiarisallu ikinnerupput

Avammut tunisavut avataaniillu pisiortukkavut siornamut naleqqiullugu ikinnerupput. Tamanna Naatsorsueqqissaartarfiup Kalaallit Nunaata avammut niuerneranik naatsorsuigallarnerani takuneqarsinnaavoq.
apriilip 14-at 2010 15:45

Kisitsisit nutaat, aamma niuernermi pissarsiat atortitallu, imminnut naleqqiunneranni, 1,7 milliardit koruunit missaannik, imaluunniit 2008-mut naleqqiullugu, 200 millionit koruunit missaannik amigaartooruteqarneq ersersippaat.

Avammut tunisat ikileriaataat 22,4 pocentinut naatsorsorneqarpoq. Raajanik saarullinnillu avammut tunisassiorneq niunernermut kisitsisitigut paasissutissatigut malugineqartoq tassani pingaartumik annikilleriarsimavoq. Raajat avammut tunisassiat 213 millionit koruuninik ikileriaateqarput, saarulliillu 122 millionit koruuninik. Ikileriaatit tulaassat ikinnerunerannik akikinnerunerannillu pissuteqarput.

Avataaniit pisiortukkat siorna 17 procentinik ikileriarput, tassa 2,5 milliardit koruuniniit 1,9 milliardit koruuninut. Tassani pingaartumik uuliamit tunisassiat akikinnerunerat uuliamillu atuinikinneq ilaatigut pissutaaqataapput.

Niueqaterput tassaajuarsinnarpoq EU, avammut tunisassiatta 92,5 procentii taassuma pisiarisarmagit, peqatigisaanilli nioqqutissaatitta 90,4 procentii EU-miit pisiarissarlugit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq