Avammut niueqateqarneq amigartoorfiuvoq

Nunatta 2003-mi nunanik allanik niueruteqarnermigut tunisaasa pisiaasalu oqimaaqatigiinnerat pillugu Naatsorsueqqissaartarfiup nalunaarusiaa ullumi saqqummiunneqarpoq.

Nalunaarusiamilu ersersinneqarpoq nunarput 2003-mi avammut tunisaqarnerminut naleqqiullugu annertunerujussuarmik pisiaqarsimasoq. Tassa nunatta avataaneersunik pisiortornera 2002-miit 2003-mut 79 mio. kronenik annertusisimavoq.

Nunatta 2003-mi avammut tunisaasa avataaniillu pisiaasa oqimaaqatigiinneranni 746 mio.kronenik amigartoorpugut. 2002-mi amigartoorutit 667 mio.kroneusimapput.

Taamaattorli 2003-mi avataanit pisiortorneq annikilliimigaluartoq avammut tunisaqarnerput 100 mio. kronenik nalikillisimavoq. Aalisakkanik raajanillu avammut tunisaqarnerput 50 mio. kronet naliginik appariaateqarsimalluni.

Nunatta nunanik allanik niueqateqarnermigut tunisaasa pisiaasalu oqimaaqatigiissinneqarneranni kingullermik annertungaatsiartumik amigartoornerit 1999-imi 2000-imilu pipput.

Naatsorsueqqissaartarfiullu ilisimatitsissutigaa nunatta siorna 2004-mi kvartaalini siullerni marlunni tunisaasa pisiaasalu naligisa oqimaaqatigiissinneranni kisitsisaangallartut takutikkaat amigartoorutaasut pitsaanerulerallarunanngitsut.

2004-imi kvartalini pingasuni siullerni avataanut tunisaqarnerup avataaniillu pisiat naligisa oqimaaqatigiinnerinik naatsorsukkat qaammatip matuma naalernerani saqqummiunneqassasut, Naatsorsueqqissaartarfik ilisimatitsivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat