Avaleraasartoorniutit pingasut avalaannaqaat
Mads Trolle Nedergaard aalisarsinnaanermut akuersissutinik nakkutilliisoqarfimmit oqaluttuarpoq nunat allamiut avaleraartoorniarnissamut akuersissuteqartunit russit aalisariutaatat tallimat, Islandimiut marluk, savalimmiormiut ataaseq kiisalu Caribiami qeqertat ilaannit tuluit nunasiaatigisimasaannit St. Kitts & Nevisimit pisoq ataaseq akuersissuteqartut.
Avaleraasartoorniarneq aallartiinnaqaaq
Misileraalluni avaleraarsaartoorniassamut 100.000 tonsit ukiormanna aalisagartassiissutigineqarput, taakkunannga 52.000 tonsit Kalaallit Nunaanni aalisariutaatilinnut aalisagartassiissutigineqarlutik.
Kalaallit Nunaanni aalisarnermik ingerlatsivik Polar Seafood avaleraasartuunik 18.000 tonsinik aalisagartassinneqartoq, Tunumi aalisarnissamut piareertoq siulersuisuini siulittaasoq Henrik Leth nalunaarpoq.
Aalisartitsiviup Polar Seafoodip kilisaatit sisamat avaleraarsartoorniarnermi atorniarpai.
Kilisaatit marluk avaleraarsartoorniarsinnaasunngorlugit Islandimi Savalimmiunilu piareersarneqarput taakkualu sisamanngorpat tallimanngorpallu Tunumut aalisariarlutik aallassapput.
Kilisaatit pingajuat suli piareerneqanngilaq aalisartitsivimmillu kilisaatit sisamaat russinit attartorniarlugu pilersaaruteqarpoq.
Royal Greenland Tunumi avaleraasartuunik aalisartitsinissamut pilersaarutini ataasiakkaat pillugit sapaatip-akunnerani tulliuttumi nalunaaruginiarpai.
Misileraalluni avaleraasartuunik aalisarneq siorna ingerlalluarpoq. Avaleraasartuunik aalisagartassiissutit siorna 65.000 tonsiusunit 52.000 tonsit aalisarneqarput. Taakkunannga 10.000 tonsit Royal Greenlandip kilisaataanit aalisarneqarlutik.
