Avalak siulittaasuugallartussamik toqqaavoq
Jens Frederik Høegh-Knudsen siulittaasuugallassaaq.
Allattoq Elisa Isaksen
Danmarkimi Kalaallit Ilinniagaqartut Kattuffianni Avalammi siulersuisut unnummut ataatsimiipput. Århusimi ataatsimiittuni malinnaatitatsinnut Nuunu Isbosethsenimut ataatsimiinneq qanoq ingerlasimanersoq apeqqutigaarput.
- Avalammi siulersuisut ullumi ataatsimeereerlutik Jens Frederik Høegh-Knudsen siulittaasuugallartussatut toqqarpaat. Tassa manna tikillugu siulittaasuugaluartoq Poul Olsen maanna piffissami sivisuumi nunatsinniittussaammat siulittaasup tullia siulittaasuugallartussatut toqqarneqarpoq.