Avalak Inussummut ilaasortanngorusunngilaq
maajip 15-at 2006 05:35
Danmarkimi kalaallit ilinniagaqartut peqatigiiffiat, Avalak, Inussummut, tassa namminersulivinnissamik sorsuutiginninniartumut, ilanngukkusunngilaq.
Inussuk maajip aallaqqaataani pilersinneqarmat peqatigiiffiup Avalaap ikinngutaa, Kalaallit Ilinniagaqartut Kattuffiat, KIK, peqataagaluarpoq.
Avalalli peqataarusunnersoq aperineqarsimanngilaq. Avalaap siulittaasuata, Parnuuna Egedep, aamma erseqqissaatigaa, ilinniartut peqatigiiffii, inatsisit naapertorlugit, politikkikkut attuumassuteqartussaanngitsut.
Taanna aamma oqarpoq, Avalammi ilaasortatik ilisimatilersaaritik ataasiakkaat Inussummut ilaasortaarusunnerlutik ilaasortaarusunnginnerlutilluunniit namminneq aalajangissagaat.
