Avalak: Ilisimatusarfimmi ilinniartut tapersersorpavut

Ilimmarfiup aqunneqarnissaa pillugu inatsisissatut siunnersuummut ilinniartut ernummateqarnerat Danmarkimi kalaallit ilinniagaqartut peqatigiiffianit, Avalak-mit tapersersorneqarpoq.
Allattoq Elisa Isaksen
novembarip 05-at 2007 11:40

Avalak ukiumoortumik ataatsimeersuarmat inatsisissatut siunnersuut oqaluuserineqarpoq – tamannalu tunngavigalugu peqatigiiffik tusagassiuutinut nalunaaruteqarpoq.

Ilaatigut ima allapput:

Inatsisissatut siunnersuut Ilisimatusarfiup ingerlanneqarneranut ajorseriaataassaaq. Assersuutigalugu ilisimatusarnikkut misilittagaqanngitsumit Ilisimatusarfik aqunneqalissagaluarpat siunissami nunanik allanik suleqateqarsinnaaneq eqqugaassaaq isumaqatigiissusiorsinnaanerlu killilerneqarluni. Ilisimatusarfiup OECD-p maleruaqqusai malittariaqarpai, Ilisimatusarfimmi ilisimatusartut ilinniagaat nunarsuatsinni sumiluunniit maannakutut akuerisamik atuutissappata, Avalammiit taama allapput – allakkaminnilu politikerit kajumissaarpaat aqutsineq pillugu inatsisissaq suliareqqeqqullugu.