Avalak ilinniartunik savalimmiormiunik suleqateqarnerminik nukittorsaavoq

Avalaap savalimmiormiunilu ilinniartut peqatigiiffiat suleqatigiilerput. Ilinniartut Savalimmiuneersoq Kalaallit Nunaanneersullu nunanut allanut ilinniariartoraangamat assigiikannersunik atugaqartarput. Nunani allani ilinniartuuneq nunagisamilu politikkikkut qinersisarnerit peqatigiiffiit ataatsimeeqatigeeqqaarnerini eqqartorneqarput.
Allattoq Peter Troelsen, Simon Uldum
maajip 02-at 2013 09:23

 

 

Savalimmiormiut kalaallillu ilinniartut soqutigisatigut ataatsimoorutigisaat ataatsimiinnermi eqqartorneqarput. Sammisat savalimmiormiunut kalaallinullu attuumassuteqartut pillugit oqallitsitsinernik aaqqissuussisarnissaq peqatigiiffiit ataatsimiinnermi isumaqatigiissutigaat.

Peqatigiiffiit ilinniartitaaneq pillugu misilittakkaminnik avitseqatigiipput sammineqartullu aamma ilagaat, savalimmiormiut ilinniartut 2011-mi lagtingimut qinersisoqarnissaanut nalunaartinneqarsimanerat, tamannami MFS-ip misilittagaqarfigilluarmagu. Avalaap nunatsinneersup nunatsinni qinersinermut tunngatillugu taamatoqqissaaq aamma suliniuteqaqqammerpoq.

Danmarkimi ilinniarnermusiaqartitsisarneq aamma eqqartorneqarpoq, naalakkersuimmi siulii kalaallit ilinniartut nunatsinnit ilinniarnermusiaqartinneqarunnaarnissaannik Danmarkimit pisartagaqalernissaannik aalajangersimapput, Savalimmiormiut Danmarkimi  ilinniartut assingalugit.

Avalaap ilinniartunik katerisimaartitsilluni aaqqissuussisarnerpassui kalaallillu ilinniartut nunani allanik suliffimmik sungiusarfissaannik ujarliuttarnerinik suliaqartarnera MFS-ip isumassarsiorfigisimavai.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq