Avalak: Ilinniagaqarnersiutigut qaffattariaqarput
Ilinniagaqarnersiutit ikippallaaqaat - taamaattumillu Kalaallit Nunaanni politikerit ilinniagaqarnersiutit qaffattariaqarpaat, taama oqarpoq Danmarkimi kalaallit ilinniagaqartut kattuffianni Avalammi siulittaasoq, Britt Anne Nielsen. Avalak aasap ukiallu ingerlaneranni Danmarkimi Kalaallit Nunaannilu ilinniartutm aningaasaqarnerat pillugu misissuereerlutik piareerput. Britt Anne Nielsen ima oqarpoq:
-Siunertarivaa kalaallit ilinniartut atugarisaat oorit tungaatiguunerusoq naammannersut atugarisagut isigissagutsigit. Tamaat isigissagutsigu paasivarput ilinniagaqarnersitigut ikippallaartut Danmarkimi Kalaallit Nunaannilu. Qallunaat nunaanni inigisamut akiliut qaffasinnerujussuusarpoq, taava Kalaallit Nunaanni internet nerisassallu akisunerullutik. Tamaat ataatsimut isigalugu ilinniartut Kalaallit Nunaanni oorinik atuinerupput. Taava kisianni qallunaat nunaanni aningaasartuutit aaliangersiamasut annertunerullutik, Kalaallillu Nunaanni aningaasartuutit nammineq aqussinnaasagut, soorlu internet nerisassallu akisunerullutik, Britt Anne Nielsen.
Avalammi siulersuisut isumqarput ilinniagaqarnersiutit 1.000 kruunimik qaffanneqartariaqartut.
- Avalammi eqqartorparput 1.000 kruunip missaani qaffaasoqarnissaa, ilinniartunut tulluunneruniassammat. Ippassaq paasiavarput Namminersornerulltuik Oqartussaniit billetsinik tapersersorneqarsinnaassasugut Nuummukarniassagatta. Avalamminngaanniik inuit marluk Nuummukarumaarput, immaqa sapaatip akunnerata tulliani, Britt anne Nielsen oqarpoq.
Taama oqarpoq Avalammi siulittaasoq, Britt Anne Nielsen, Københavnimi nakorsanngorniarluni ilinniartuusoq. Ilinniagaqarnersiutit amerlassusaat assigiinngiiaarpoq ilinniagaq suna aammalu sumi ingerlanneqarsoq apeqqutaalluni.
