Australimiut Japan arfanniaqqujunnaarpaat

Japan-ip arfanniartarnera pissutigalugu ulluni kingullerni pissanganartorsior-toqariartorpoq.

New Zealand-ip ministeriunera Helen Clark Japanimut tikeraarnissaminut atatillugu peqquneqarsimavoq pineqartoq saqqummiuteqqullugu.

Aamma Australiamiut ministeriunerat John Howard Japan-imut kamappaluttunik allagaqarsimavoq, allassimalluni Japanimiut Australiap imartaani arfanniassanngitsut piumasaqarlunilu Japanimiut arfanniartarnertik unitsittariaqaraat.

Australiami japanimiut aallartitaqarfianit allakkat akineqarsimasut, aviisi The Daily Telegraph allaaserisaqarpoq.

Aviisi allappoq aallartitaqarfiup uppernarsaraa Japan-imiut aningaasarsiutigalugu arfanniartarnerup inerteqqutaanera atorunnaarsinniarsarigaat.

Inerteqqut qaammatip tulliani IWC-p ataatsimeersuarnissaani eqqartorneqassaaq. Nunarput ataatsimeersuarnissamut aallartitaqaassaaq. Tassanilu taasinerit affangajaannit amerlanerusut Japanimiut pissarsiariniarniarpaluppaat.