Australiap sakkutuuni angerlartinniarpai
Australiap sakkutuuni 500-t Irakimiittut angerlarartippai.
Allattoq Elisa Isaksen
juunip 01-at 2008 11:59
Aamma Australiap sakkutuuni Irakimiit angerlarartippai.
Australiap sakkutuuisa 500-t missaanniittut, sakkutooqarfitik Irakip kujasinnerusuaniittut, qimareersimanngikkunikkik qimagaleruttorpaat. Sakkutooqarfiit suliassallu Amerikamiut sakkutuuinit ingerlateqqinneqartut, nutaarsiassaqartitsivik Reuters allappoq.
Australiami naalakkersuisut siuttuata Kevin Ruddip Australiami siorna novembarimi inatsisartunut qinersinermut atatillugu qineqqusaarnermi oqaatigaa, sakkutuut ukiormanna angerlartinneqassasut. Maannalu tassa taama pisoqarpoq.
Irakimi sorsunneq Australiamiut 80 procentiisa akerlerigaat, Australiami qinersisartunik isumasiuinerup ersersippaa.
