Australiamiut amerlanerpaartaat aboriginalsinut ammut isiginnittuusut

Australiamiut sisamaagaangata pingasut nunap inoqqaavinik, Aboriginalsinik, ammut isiginnittarput.

Australian National Universityp misissuinerani tamanna takuneqarsinnaavoq.

Utoqqaassuseq, suiaassuseq, inuiaassuseq, suliffik, upperisaq, ilinniarsimassuseq, politikkikkut tapersersukkat akissarsiallu apeqqutaatinnagit Australiami amerlanerussuteqartut Aboriginalsinik ammut isiginnittuusut misissuinerup takutippaa.

Ammut taama isiginnittarneq, isummanillu pigiliutiinnakkanik isumaqarneq ammit qalipaataannik assigiinngisitsisarnermik kinguneqartarpoq, misissuinermi inerniliunneqarpoq.

Australiami innuttaasut 11.000-nit amerlanerusut misissuinermi apersorneqarsimapput, Australiamilu siullerpaamik taama misissuisoqarluni.

- Inernerit tupaallaatissaapput uissuumminanngillalli, nalunaarusiortut ilaat Siddharth Shirodkar, Australian National Universitymeersoq oqarpoq.

- Inernerit Australiami nunap inoqqaavi pillugit isummanik pigiliutiinnakkanik, ammut isiginninnermillu nalilerneqarsinnaasunik Australiami peqartoqarneranik takussutissaapput. Ammit qalipaataannik assigiinngisitsisoqarneranik Aboriginalsit misigisaqartarnerannik takussutissaapput, Shirodkar oqarpoq.

/ritzau/dpa