Australiami uumasut millionilikkaat ajunaarput
Saaniluit qaleruai timaannut nipputivissimasut, poortalik siutaaruttoq, tamakkuupput Australiami ikuallannersuaqarnerani eqqugaasunit tusakkat ilaat. Nunarujussuup 350.000 hektaritut atsigisup ikuallannerani inuit 200-t aamma ajunaartuupput.
Allattoq Louise M. Kleemann
februaarip 11-at 2009 12:36
Naatsorsuutigineqarpoq uumasut millionilikkaat aamma ajunaarsimanissaat, taama nutaarsiassaqartitsivik AP Politikenimit issuarneqarpoq.
- Innersuaq inunnik eqquiinnanngilaq, aamma uumasorpassuarnik eqquivoq, Neil Morgan, uumasut nujuartat illersorneqarneqarnissaannik naalagaaffiup suliaqartitaa oqarpoq.
Kanngoroorpassuit ikuallaffiusumut utikaasut isikkamikkut uutitersimasorpassuupput, maannalu nanuaraasannguit koalat ilaat Samimik atsigaq tusaamasanngorpoq.
Taanna orpiup ikumanikup saanut pilluni qatserisartumut ikioqqullunilusooq qinusimavoq. Qatserisartullu David Tree-p immisimmani assut qujamasulluni koalap najorsineranik videoliaq nunarsuarmi tamarmi manna kaaviiaalerpoq.
