Australiami orpippassuarni ikuallattoqarnerani CO2-mik aniasoqarnerusoq

Australiami orpippassuarni ikuallanneq pinngortitami kisimi ajunaarnersuaanngilaq - CO2-milli aniatitsineq aamma annertusingaatsiarpoq.
Septembarip februarillu akornanni ikuallattoqarnerani CO2 aniasoq 830 millionit tonsit missaanniissimassangatinneqarpoq. Assi © : National Interagency Fire Center/flickr
Allattoq Ritzau
apriilip 23-at 2020 09:09
Nutserisoq Bikki P. Kleist

Australiami orpippassuit ikuallanneranni CO2-mik aniatitsineq ukiup ataatsip ingerlanerani aniatitsinermit annerusimavoq.

Australiap naalakkersuisuisa CO2-mik aniatitsineq pillugu nalunaarusiaat sapaatit akunneranni uani saqqummersumi tamanna takuneqarsinnaavoq.

Septembarip februarillu akornanni ikuallattoqarnerani CO2 aniasoq 830 millionit tonsit missaanniissimassangatinneqarpoq.

AAMMA ATUARUK Australiami ikuallattoq qamittoq

Allagaatit Australiami ilisimatusarfiit ilaannit The Australian National Universitymit siorna oktobarimi saqqummiussat naapertorlugit CO2 Australiami aniatinneqartoq nalinginnaasumik ukiumut 540 milliuunit tonsit missaanniittarpoq.

Angerlarsimaffiit 3000-it nunalu minnerpaamik 12,5 millionit hektaritut, tassa Tysklandip pingajorarterutaata missaatut  angitigisoq ikualluapput.

Inuit 33-nit ikinnerunngitsut ajunaarput, ajunaartullu ilagaat qatserisartut.