Ikuallanermit pujoq nunap immikkoortuani New South Walesimi silaannarmik navianartumik akulinnik mingutitsivoq, aamma illoqarfissuup Sydneyp eqqaani.Assi: Stringer/Reuters/Ritzau Scanpix

Australiami nunap ikuallannerujussua Fynitut angitigisoq

Australiami nunap immikkoortuani New South Walesimi ikuallanneq siaruaakkiartuinnartoq qatserisartut 2000-it qaminniarlugu qatseripput, tamatumalu kinguneranik illoqarfissuaq Sydney putsumik pooqqavoq.

New South Walesimi sumiiffinni assigiinngitsuni qulingiluani ikuallannerit ulorianartorsiornerpaaffittut qatserisartut nalunaarutigaat.

AAMMA ATUARUK Orpippassuit ikuallannerat pissutaallutik Sydneymi anersaartorniarneq ajornangajattoq

Qatserisartuni oqartussaasut oqarnerat naapertorlugu kiappallaalernera sakkortuumillu anorlernera pissutigalugit ikuallannerit siaruaassimasut. BBC taama allaaserisaqarpoq.

Ikuallannerujussuit arlaqartut illoqarfissuup Sydneyp avannaatungaanniipput, taakkua 3000 kvadratkilometerisut siaruaasssimatigipput.

Tassa Australiami nunap ikuallannerujussua Fynitut angitigivoq.

Ikuallanermit pujoq nunap immikkoortuani New South Walesimi silaannarmik navianartumik akulinnik mingutitsivoq, aamma illoqarfissuup Sydneyp eqqaani

AAMMA ATUARUK Australiap kangimut sineriaani 1 million hektari ikuallattoq

Illoqarfissuaq Sydney ataasinngormalli putsumik pooqqavoq.

Qatserisartut oqartussaasuisa oqarnerat naapertorlugu pujortuarallassaaq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat