Australiami niisarnanik tipisunik annaassiniarsuaarput
Allattoq Lotte Holm
Niisarnat eqimattat 200-ngajalluinnaat Tasmaniap Australiallu akornanni qeqertamut King Islandimut ippassaq tininnganerani tipisut ilaat australiamiut annaassiniartartut annaanniarsuaarpaat.
Niisarnat 140-t toqoreersimapput, avatangiisinilli suliallit uumasunillu nujuartanik paasisimasaqarluartut niisarnat sinneri annaanniarsaraat. Arfernik Australiamut New Zealandimullu tipisoqartarnera qaqutigoortuunngilaq.
Qaammatit kingulliit sisamat ingerlanerinnaanni arferit 400-ngajaat Tasmaniap sineriaanut tipisimapput, soorli taamaasisarnersut suli ilisimaneqanngilaq.