Australiap killeqarfii takornarianut ilinniartunullu nunanit tamalaaneersunut 2021-p naanissaata tungaanut matoqqatinneqarnissaat Australiami aappaagumut aningaasanut inatsisissami eqqarsaatigineqareersoq, Australiap aningaasaqarnermut ministeria Josh Frydenberg oqarpoq.Assi: julian meehan/flickr

Australiami ministeri: Australiap killeqarfii 2021-p naanissaata tungaanut matoqqatinneqassapput

Takornariat ilinniartullu nunanit tamalaaneersut 2021-p naanissaata tungaanut Australiamukarsinnaajunnaarunalerput.

Australiamut killeqarfiit aappaagu 2021-p naanissaata tungaanut matoqqassagunarput.

Australiap aningaasaqarnermut ministeria, Josh Frydenberg, oqalugiarnermi taama oqarpoq. Aviisi The Guardian taama allappoq.

Australiap killeqarfii takornarianut ilinniartunullu nunanit tamalaaneersunut 2021-p naanissaata tungaanut matoqqatinneqarnissaat Australiami aappaagumut aningaasanut inatsisissami eqqarsaatigineqareersoq, aningaasaqarnermut ministeri oqarpoq.

- Kingorna taava ammaqqikkiartuaarsinnaassaagut, Frydenberg oqarpoq.

AAMMA ATUARUK Melbournemi aneqqusaannginneq atorunnaartoq killilersuinernillu qasuterisoqaqqusisoq

Coronavirusimut taamanikkussamut akiuussutissaqalersimanissaa Australiami naalakkersuisut naatsorsuutigigaat, aningaasqarnermut ministeri oqarpoq.

Australiap killeqarfii nunanut tamanut matoqqatinneqassapput, nunalli ilaannut immikkut ittumik aaqqissuussisoqarumaarluni.

Australiap New Zealandillu akornanni immikkut ittumik aaqqissuussisoqarnisssaanut Australiami naalakkersuisut oktobarip naajartulernerani siunnersuuteqalersaarput.

Australiap killeqarfii marsimili matoqqatinneqarput. Coronavirusimik tunillanneqarsimasoq siulleq Australiami ukioq manna januaarimi siumorneqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat