Australiamiut nunaminni killeqarfiit siorna marsip qaammataani matuaat.Assi: Robert Linsdell/flickr

Australiami killeqarfiit juunip tungaanut matoqqassasut

Australiamiut coronavirusit allanngortut tunillaassuunnissaat aarleqqutigimmatigit nunaminni killeqarfiit ammarusunngikkallarpaat.

Australiami killeqarfiit ukioq ataaseq missaat matuma siorna matuneqartut, matoqqanerat sivikinnerpaamik qaammatinik pingasunik, tassa juunip qiteqqunnerata tungaanut sivitsorneqarpoq.

Australiamiut peqqissutsimut ministeriat, Greg Hunt, marlunngornermi taama ilisimatitsivoq.

Australiamiut coronavirusip nunarsuaq tamakkerlugu tunillaassuunnera pakkersimaarniarlugu nunaminni killeqarfiit matoqqaannarallassasut taamaalillutik aalajangerput.

Covid-19-ip nunani allani tunillaassuuttup australiamiut peqqissusiannik akuersaarneqarsinnaanngitsumik aarlerinartorsiortitsiuarsinnartoq peqqissutsimut oqartussat naalakkersuisunut erseqqissaatigisimagaat, ministeri oqarpoq.

AAMMA ATUARUK Australiap killifeqarfii ukiup immaqa sinnerani matoqqassasut

- Ingammik virusit allanngortut tunillaassuutianerusut tunillaassuunnerat pissutigalugit, Greg Hunt oqarpoq.

Australiami killeqarfiit sukkannersumik nakkutigineqarmata coronavirusit allanngortut Australiami tunillaassuutinngillat. Taamaaginnassasorlu, naalakkersuisut kissaatigaat.

Australiami killeqarfiit juunip ulluisa 17-iata tungaanut matoqqassasut, Greg Hunt ilisimatitsivoq.

Australiamiut nunaminni killeqarfiit siorna marsip qaammataani matuaat.

Immikkut akuerisat ikittuinnaat eqqaassanngikkaanni Australiamiut Australimiinnissaminnillu akuerisat kisimik taamanili Australiamukarsinnaatitaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat