Nunanit allanit

Australiami kiisami siallertoq

New South Walesimi orpippassuit qaammatini kingullerni ikuallarujussuartut sialussuarmit qaminneqarput.
Australiami ikuallattoqarfiusuni 60-it missaanniittuni 20-t New South Walesimi sialummit qaminneqarput. Assi © : Stringer ./Reuters/Ritzau Scanpix
Allattoq Ritzau
februaarip 07-at 2020 07:40

Australiami New South Walesimi orpippassuit ikuallattut ullut kingulliit siallerujussuarneratigut taakkua pingajorarterutaat sialummit qaminneqarput.

Australiami orpippassuit qaammatini kingullerni ikuallapput, tamannalu inuit 24-t ajunaarnerannik, illut hunnorujulikkaat aseruatiternerannik uumasullu milliardit toqunerannik kinguneqarpoq.

Taamaalillutik orpippassuit ikuallattut 60-it missaanniittunit 20-it sialummit qaminneqarput.

Tallimanngornermi ullup qeqqata siorna New South Walesimi orpippassuit ikualltut 43-ruupput. Taakkunannga ikuallattut 18-it qaminneqarsinnaanatik.

New South Walesip annersaani siallersorujussuusimavoq

Neriuppuugut ikuallannerapaaffiusuni sialliinnarumaartoq, New South Walesimi qatserisartut annaassiniartartullu Twitterikkut taama allapput.

Siallernerujussuali New South Walesimi ajornartoornermi isumannaallisaaernermik piareersimasoqarpoq, illoqarfissuarmi Sydneymi silarluttorujussuunissaanik aallerisaaruteqarpoq, qarsutsisoqarnissaanik sakkortuumillu anorlernissaanik aallerisaaruteqarmat.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq