Autralimai ikuallanneq siorna septembarimi aallartimmalli nuna 12 millionit hektari ikuallassimasoq,  ABC News allaaserisaqarpoq.Assi: Saeed Khan/AFP/Ritzau Scanpix

Australiami inuit 24-t piaaralutik ikuallatsitsisarsimasutut tigusarineqartut

Australiami New South Walesimi novembarimili inuit 24-t piaaralutik ikuallatsititsarsimasutut tigusarineqarput.

New South Walesimi politiit taama ilisimatitsisut, ABC News allaaserisaqarpoq.

Inuit 53-it Australiap naalagaaffiata ikikkaanermut inerteqqutaannik unioqqutitsisimasutut tamatumalu saniatigut inuit 47-t sikaritsinik ikitsisinilluunniit qaminneqanngitsunik nunamut igitsisimasutut misissuiffigineqartut, ABC News allaaserisaqarpoq.

Nunami ikuallatsitsineq ukiut 21-t tikillugit parnaarussaanermik kinguneqarsinnaasoq, pisortat nalunaarutigaat.

AAMMA ATUARUK Sakkutuut Australiami ikuallarujussuarnermi qatsereqataatinneqartut

Inuit ikinnerpaamik 24-t Autraliami pinngortitami ikuallarujussuartoqarnerani ajunaarsimasut, ministeriuneq Scott Morrison ataasinngornermi oqarpoq.

Autralimai ikuallanneq siorna septembarimi aallartimmalli nuna 12 millionit hektari ikuallassimasoq,  ABC News allaaserisaqarpoq.

Australiami ikuallattoqarnera avataanit malinnaavigineqartorujussuuvoq.

Inuimmi tusaamasat arlallit aningaasanik qatserisartut sulinerannut tapersersuillutik tunissuteqarsimapput.

Amerikamiu erinarsortartoq, Pink, isiginnaartitsisartorlu, Nicole Kidman, 500.000 dollarsinik immikkut tunissuteqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat