Australiami inatsisartunut qinersisoqalerpoq

Ministeriunerullu John Howardip ajorsarnissaa ilimanarsinnaavoq. Inuimmi isumasiorneqarneranni illuatungiliuttoq Kevin Rudd tapersersorteqarnerusoq paasinarsivoq.
Allattoq Mads Lynge
oktobarip 14-at 2007 13:56

Australiami inatsisartunut novembarip 24-iani qinersisoqassaaq. Australiap ministeriunerata John Howardip tamanna ullumi nalunaarutigaa.

Qinersinissaq pissanganassaqaaq. Australia Irakimi sakkutuuleeqataavoq, sakkutuullu angerlartinneqassanersut angerlartinneqassannginnersulluunniit qineqqusaarnermi oqallisaangaatsiassalluni.

Ministeriuneq John Howard konservativineersuuvoq. 68-inik ukioqarpoq, unammillertaalu Kevin Rudd Arbejderpartiiminngaanneersuulluni. Inunnik isumasiuinerit takutippaat Kevin Rudd ajugaassangatinneqartoq.

Nunat tamat Silaannarmik Mingutsitsinnginnissamik Kyotomi isumaqatigiissutaata Australiamit atsiorneqarnissaa Kevin Rudd-ip qineqqusaarutigaa, peqqinnissaqarfimmilu ilinniartitaanermilu aaqqissuusseqqittoqarnissaa ujartugaralugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq