Australiap kangiata sineriaani ikuallarujussuartoqarnerani inuit sisamat ajunaarput, nunalu 1 million hektarimit annertunersoq ikuallariinngikkuni suli ikuallalluni.Assi: William West/AFP/Ritzau Scanpix

Australiami angutit marluk politiinit tigusarineqartut

Australiap kangiata sineriaani ikuallaleruttorpoq, ikuallatsitsisimasutullu angutit marluk pasineqarlutik tigusarineqarput.

Autraliap kangiata sineriaani angutit marluk inuusuttut orpippassuarni ikuallatsitsisimasutut pasineqarlutik unnuaq tigisarineqarput.

Angut inuusuttoq 16-anik ukiulik Queenslandimi politiinit tigusarineqarpoq, taanna ikuallatsitsisimasutut paasineqarpoq. 

Australiami nutaarsiassaqartitsivik AAP naapertorlugu The Guardian taama allaaserisaqarpoq.

Ikuallatsitsinermut atatillugu 16-inik ukiulik pisortatigoortumik unnerluutigineqanngilaq, ukiukitsunulli eqqartuussivitsigoortinneqassalluni.

1 million hektaritut annertutigisoq ikuallattoq

Ikuallatsitsisimasutullu pasineqartoq angerlarsimaffiit ikinnerpaamik 14-it biilit quillu ikuallatsinneqarnerannut aseruisutut pasineqarpoq.

New South Walesimilu politiit angut 20-nik ukiulik tigusarisaat taanna Sydneyip kujataatungaani orpippassuarni ikuallatsisimasutut pasineqarpoq.

Politiit tusagassiutinut nalunaarutaat naapertorlugu dpa taama allaaserisaqarpoq.

New South Walesimi ikuallaqqajaasoqangaatsiarnera pissutigalugu sapaatip akunnerani matumani ikikkaanissaq inerteqqutaavoq.

Australiap kangiata sineriaani nuna 1,1 million hektarimik annertussuseqartoq ikuallariinngikkuni suli ikuallappoq.

Ikuallattoqarnerani ajunaartut sisamanngornermi sisamanngorput.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat