Australiami aatsaat taamak kiatsigivoq

Australiap kujasinnerusortaani aatsaat taamak kiatsigisimavoq allaat avatangiisinut ministeri Penny Wong oqartariaqarluni kiangaarmat silap pissusaata allanngorneranut ulorianartorsiornermi tamanna takussutissaasoq.
Allattoq Jaaku Lyberth
januaarip 29-at 2009 17:04

Oqaluttuarisaanermi kiannerpaaffiusut ukiuni kingullerni aqqaneq marlunni naammattoorneqarput, kiannerpaaffiillu ukiuni kingullerni aqqanilinni naamattoorneqarput, tamannalu silap pissusaata allanngoriartorneranut ilisimatuut aarlerisaanerannut naapertuuppoq, Penny Wong avatangiisinut ministeri oqarpoq. Ulluni tulliuttuni arfinilinni 40-inik kiannissaa Australiami silasiorfiup ilimasaarutigaa, taamaalillunilu ukiuni kingullerni hundredeni aatsaat taamak kiatsigissalluni. Melbournip eqqaani qimuttuitsut ingerlaffigisartagaat ima kissassimatigipput, qimuttuitsut ingerlaarnerat unitsinneqarluni, inuppassuillu suliartorsinnaasimanatik. Tennis-imik unammineq Australian Open silami ingerlanneqartussaagaluartoq illup iluani ingerlanneqassaaq. Ukioq 2004-imi Australiami kiarujussuarmat inuit 29 –it ajunaarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq