Aung San Suu Kyi ullumimiit eqqartuussaalerpoq
Aung San Suu Kyi illumit aneqqusaannginnermini inatsisinik unioqqutitsisimasutut unnerluutigineqarpoq, amerikamiu nalulluni taseq ikaarlugu Kyi-p angerlarsimaffiani ulluni marlunni najugaqarsimammat, ukiuni kingullerni 19-ini aneqqusaannginnermini ukiuni 13-ini isersimaffigisimasaani.
Amerikamiu John Yettaw nalulluni utertoq tigusarineqarpoq, 63-inillu ukiulik, Nobelip eqqissinermut nersornaasiutagaanik nersornarsigaasimasoq kinguninngua parnaarunneqarpoq.
Aung San Suu Kyi-p aneqqusaannginnera kingulleq, ukiuni arfinilinni atuuttussaq, maajip ulluisa 27-anni naammassisussaagaluarpoq, ukiunili tallimani maanna tassa parnaarussaariaannanngorpoq.
Kyip partiia, Den Nationale Liga for Demokrati, isumaqarpoq, Myanmarimi, imaluunniit Burmami, aappaagu qinersisoqarnissaaniit nunap naalakkersuisuisa sakkutuut Aung San Suu Kyi peqataatinnaveersaarlugu illumit aneqqusaajunnaarteqattaaraat.
Myanmarimi demokratiskiusumik 1990-imi kingullermik qinersisoqarmat, Aung San Suu Kyi ajugaarujussuarpoq, ajugaanerali sakkutuut naalakkersuisut akueriumanngilaat.
