AUL-mik pisiniartut qinersinissaq kinguarsaatigissavaat

Inatsisartunut qinersisussanngorneq Arctic Umiaq Linemik pisiumasunut ernumatitsivoq.

- Takornariaqaleruttorfianut akornusiinissaa aarleqqutigaarput, qinersinissap kingunissai nalugaluarlutigit. Danskit piginneqatigiiffiata Arctic Travel Groupip siulittaasua Poul Lübbert oqarpoq.

Piginneqatigiiffik pineqartoq Arctic Umiaq Linemik pisisinnaasutut inissisimavoq. Naalakkersuisullu tunualersut eqqarsaatigalugit, pisiniarnissaq pillugu kikkut taava isumaqatigiinniarfigissanerlugit nalulerpaa.

Taamaattumik piginneqatigiiffik Namminersornerullutik Oqartussanut ullumi saaffiginnippoq, piffissami aggersumi kikkut isumaqatigiinniarnissamut pisinnaatitaaffeqarnersut paasiniarlugu. Tamanna pillugu sapaatip-akunnerani tulliuttumi paasisaqarsinnaanissartik neriuutigaat.

Inatsisartunulli qinersinissaq sunniuteqareerpoq, Arctic Travel Groupip Nunatsinnut angalanissani taamaatimmagu, tikeraarnerminnilu umiarsuarnik ilaatigut takuniaasussaagaluarput.

Poul Lübbertip naatsorsuutigaa, qinersinissaq Arctic Umiaq Linemik pisinissaminnut kinguarsaataassasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat