AUL-ip tunineqarnissaanut isumaqatigiissut

Arctic Umiaq Line-p Arctic Travel Group-mut tunineqarnissaanut atatillugu isumaqatigiissut qanorpiaq ittuua?

Pappialat isertuunneqartut raatiuaviisip misissorsimavai.

Isumaqatigiissut misissuataarutsigu takuneqarsinnaavoq Arctic Umiaq Line tunineqassappat 65.mio.kr-nik akeqartinneqassasoq.

Arctic Umiaq Line tunineqarpat, Namminersornerullutik oqartussat aningaasat tamaasa ingerlaannaq tigunaviangikkaat isumaqatigiissummi allaqqavoq. Ukiut qulit sinnerlugit naafferartumik akilersuisoqassasoq isumaqatigiissummi allaqqavoq.

Ukiut qulit akilersuiffissap iluani Arctic Travel Group akiliisinnaajunnaassagaluarpat, Namminersornerullutik oqartuassat aningaasat pissarisani pinngitsoorsinnaagai pappialani isumaqatigiissummi allaqqavoq. Namminersornerullutilli oqartussat qularnaveeqummik tigumminnittuussapput.

Sulisorisat aningaasarsiaqartinneqarnerat isumaqatigiissummi aamma ilaapput.

Tassani sulisut akileraarutaat sulisitsisup, tassa, Arctic Travel Group-ip kaasarfiiniiginnartassasut, isumaqatigiissummi allaqqavoq. Allatut nassuiassagaanni tassa imaappoq, akileraarutit nunatsinnut nakkartussaagaluit Arctic Travel Group-ip iluanaarutigissavai.

Isumaqatigiissut taanna akuerineqanngippat, Arctic Travel Group-ip annaasassaanik annaasassaanut Namminersornerullutik oqartussat akiliisarusupput, tassalu ukiuni pingasuni ukiumut 5 mio.kr-nik.

Qanormi pisoqassava, Arctic Travel Group-mut isumaqatigiissut atorneqarumajunnaarpat?

Umiarsuaatileqatigiiffik namminersornerullutik oqartussanit pigineqaannassaaq, piumaqaataasulli ullumikkut atuuttut allanngussapput.

Tassa ukiumut aasaanerinnaani angallassisoqartassaaq, pappialanilu takuneqarsinnaasuni allaqqavoq, angalaffissat imminut akilersinnaaffiusut kisimik angalaffigineqartassasut.

Arctic Travel Group-mut tunisiniarneq iluatsissanngippat pilersaarutaavoq Arctic Umiaq Line-ip allamut tuniniarneqarnissaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat