AUL-ip pisortarisimasaa Illuut A/S-imi pisortanngorpoq
Inissiaatileqatigiiffik Namminersorlutik Oqartussanit pigineqartoq Illuut A/S februaariip ulluisa 15-anni nutaamik pisortartaarpoq.
Inissiaatileqatigiiffik tusagassiuutinut taama nalunaaruteqarpoq.
Inissiaatileqatigiiffiit marluullutik ingerlatseqatigiiffiupput. Namminersolutik Oqartussat kisimiillutik piginneqataassutinik pigisaqartuullutik taamaattummillu ingerlatseqatigiiffinnik tamakkiisumik piginnittuullutik.
Illuut A/S-ip inissiat arlaqartut pigisarai, taakkua suliffeqarfimmit Agerskov Consultingimit allaffissornikkut isumagineqarlutik. Inissiat INI A/S-imit pigineqanngillat allaffissornikkulli isumagineqarput, inissiallu Namminersorlutik Oqartussanit pigineqarlutik.
Illuut A/S-imi pisortanngortoq tassaavoq Jette Larsen siorna ukiup naanissaata tungaanut umiarsuaatileqatigiiffimmi Arctic Umiaq Line-mi pisortaasoq.
Jette Larsen, inissiaatileqatigiiffup allap, Namminersorlutik Oqartussat aamma pigisaanni INI A/S-ip siulersuisuini ukiuni tallimani siulittaasuuuvoq, maannalu siulittaasututut tunuarpoq, Illuut A/S-imi pisortanngornera pissutigalugu.
Illuut A/S-ip siulersuisuini siulittaasunngorpoq Jukku Mølgaard taanna siornatigut inissiaatileqatigiiffimmi INI A/S-imi pisortaasimavoq, Jette Larsen siulersuisuni siulittaasuunerani.
