AUL-ip aqqa allanngussanngilaq
Arctic Umiaq Linep aqqa allanngortinneqassanngitsoq, umiarsuaatileqatigiiffimmik pisisup angalatitseqatigiiffiup Arctic Travel Groupip siulersuisuini siulittaasoq Søren Rasmussen oqarpoq.
Aamma piginnittut allanngoraluartut umiarsuaatileqatigiiffiup pisortaa Søren Andersen pisortatut atorfeqaannassasoq erseqqissaatigaa.
Nuumminngaannit Reykjavimut aappaagu juunip aallaqqaataanit sapaatip-akunneranut pingasoriarluni aamma timmisartuussisalissapput, taakkulu saniatigut Danmarkimit nunatsinnut uterlugulu timmisartuussisalissallutik. Kangerlussuarmit Københavnimut ataasinngornikkut tallimanngornikkullu timmisartuussisoqartassaaq, taamatuttaaq Narsarsuarmut marlunngornikkut tallimanngornikkullu timmisartuussisoqartassalluni.
Søren Rasmussen aamma oqarpoq, Arctic Travel Groupip timmisartuussisarnissaanut tulluartumik umiarsualiisarniartoq. Taamaalilluni assersuutigalugu Narsarsuarmut tikittut umiarsuarlutik ingerlaqqissinnaasassapput, Kangerlussuarmullu tikittut umiarsuarmik ingerlaqqissinnaasassallutik. Umiarsuit nunaqarfinnut ikittuinnarnut tikittassapput.
