AUL-imut isumaqatigiissuteqaqqinnginneq kujataani takornariartitsinermut sunniuteqariaannaasoq

Naalakkersuisut Arctic Umiaq Line A/S-imut kiffartuussinikkut isumaqatigiissuteqaqqinniaratik aalajangernerat, kujataani takornariartitsinermut sunniuteqariaannaavoq. Umiarsuit sinersorunnaassappata Danmarkimi angalatitsisarfiup Profil Rejsep nunatsinnut takornariartitsisarnera siunertaarutipajaassasoq Profil Rejsep pisortaa Jahn Shapiro oqarpoq, imalu tunngavilersorpoq:

-Takornariartittakkatta amerlanersaat Kalaallit Nunaannukartarput sinersortaatinut ilaallutik eqqissillutik takornariarnissartik siunertaralugu, sinersornerlu misigisassatut immikkut kajungernarluinnartutut puigunaatsorsiassatullu takornariartittakkatta 60 procentiinit takornariarniartunut allanut kajumissaarutigineqartarpoq, oqaatigisinnaavaralu Kalaallit Nunaannut takornariartitsisarnitsinni umiarsuarnik sinersorneq ussassaarutiginerpaagatsigu, Jahn Shapiro oqarpoq.

Kalaallit qanimut aamma angalaqatigerusullugit Profil rejsep takornariartittagai Kalaallit Nunaannukartarput.

- Takornariat umiartorusuttarput timmisartornermut naleqqiulluni akikinnerujussuummat umiartorlunilu takusassat amerlanerusarmata. Timmisartoraluarunik sinerissap ataqatigiinnerusumik misiginissaa annaassavaat, timmisartorlutami takorusutatta ilaat takunngitsoortaratsigit. Takornariat piffissaqarluarlutik eqqissillutik, iluliarsuit Kalaallit Nunaata tusaamaneqaatai sarsuallugit nunaqarfiit illoqarfillu niuffigisarlugit umiartorusuttarput.

Umiarsuit sinersortaatit atorunnaassappata tamanna Profil Rejsep nunatsinnut takornariartitsisarneranut kinguneqarnerluttorujussuussasoq Jahn Shapiro oqarpoq.

- Sinersortaatit atorunnaassappata Kalaallit Nunaannut siunissami takornariartitsisarnitta ingerlatiinnarnissaa eqqarsaatigisariaqalissavarput, takornariartittakkatta 90 procentii umiartorniarlutik inniminniisarmata.

Nunatsinnut takornariartitsisarnermik suliaqartut nunatsinneersut avataaneersullu, Air Greenland Greenland Tourismelu ippassaq ataatsimeeqatigiipput, Ataatsimiinnermi Arctic umiaq Line-p ukiortaamiit sullissiunnaarsinnaanissaa eqqartorneqarsimalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat