AUL-imik niueqatigiinneq uggornartoq

Arctic Umiaq Line namminersortut ingerlatsiaviannut Arctic Travel Groupimut siorna tunineqarnialermat Atassut sinnerlugu Inatsisartut Aningaasaqarnermut Ataatsimiititaliaani ilaasortaasimasoq Augusta Salling akerliuvoq. Arctic Umiaq Line ukioq sunngitsoq 30 million koruunit sinnerlugit amigartoormat, Namminersornerullutik Oqartussanut utertinneqarpoq. Taama pisoqarnera assut uggornartoq Augusta Salling naliliivoq:

- Kingumut qiviarluni assorujussuaq uggornarpoq, Atassut sinnerlugu taamani Aningaasanut Ataatsimiititaliami ilaasortatut akerliullunga tunngavilersuutigisakka tusaaniarneqarsimanngimmata. Tunngavilersuutigisimassakka massakkut eqquuttut takusinnaavakka.

Namminersornerullutik Oqartussat aningaasarpassuarnik taamaalillutik annaasaqartut Augusta Salling oqarpoq.

- Taamani oqarpunga tunisinermi qularnaarinnittoqarsimanngimmat, aamma pisinermi akiliyutit ukiorpassuarni akilersorneqartussatut aalajangerneqarnerat tunngaviaglugu oqarpunga aningaasat ilaannik annaasaqarnissaq aarlerisaarutigalugu oqaatigaara, massakkullu takusinnaavarput aningaasat pissarsiarineqarniartuugaluit tamarmik annaaneqartut.

Taamalillutillu Namminersornerullutik Oqartussat ingerlatseriaqqinnissaminni tunngavissaata aamma ajornarnerulernissaa Augusat Sallingip ilimagaa.

Neriuutigaali sinersortaatit siunissami ingerlaleqqissinnaajumaartut.

Augusta Salling aamma oqarpoq Arctic Umiaq Linep ingerlaleqqinnissaanut aningaasassarsiornissami Atassut suleqataasalluni piareersimasoq. Matussutissat sumit aaneqarsinnaanissaannut tunngatillugu nalilersuinissaminni naalakkersuisut qanoq

Isummernissaat utaqqimaassagitsik Augusta salling oqarpoq.