AUL-imi siulersuisunngorlaat ataatsimeerngaarput

septembarip 27-at 2006 05:55

Arctic Umiaq Line-imi siulersunngorlaat ataatsimeerngaarlutik maannakkorpiaq aallartipput, suliassaallu imaannaanngillat.

Umiarsuaatileqatigiiffik Arctic Travel Groupimut siorna tunineqaraluarpoq, taakkuli ippassaq tunniutiinnarput.

Selskabi 30 millioni koruunit missaanni annaasaqaateqarsimavoq, selskabilu, taamalu sinersortaatit, Namminersornerullutik Oqartussanit pigineqaleqqillutik.

Umiarsuaatileqatigiiffik nalinginnaasumik ukiup sinnerani ingerlanneqarallassaaq, umiarsuarlu Qalasersuarmut kujallermut angalasussaq aamma ingerlanneqassalluni.

Apeqqulli pingaarnerpaaq tassaavoq, aappaagu qanoq pisoqassanersoq.

Kitaani sinersortaateqarsinnaanerup periarfissai qanoq innersut paasiniarneqassaaq, tamannalu siulersuisunngortut pingaarnertut suliassaraat.

- Tamanna pillugu sapaatit akunnerisa tulliit ingerlanerini aalajangiisoqarumaarpoq, siulersuisuni siulittaasunngorlaaq, Vagn Andersen, oqarpoq.