Augusta Salling siulittaasutut issiaannarpoq

Atassutip siulittaasuata tullia Finn Karlsen oqarpoq, Atassutip sinerissami immikkoortortaqarfiisa aalajangertariaqaraat Augusta Salling siulittaasutut ingerlaannassanersoq, Finn Karlsenillu kissaatigaa Augusta Salling siulittaasutut ingerlaannassasoq.

- Sulinerput allanngortittariaqarpoq sakkortusartariaqarlunilu. Eqqartoqqissaartariaqarparput qineqqusaarnermi suliniutigut suut ajorsimanersut ataatsimeersuarnermilu iliuuseqartariarluta, Finn Karlsen oqarpoq.

Augusta Salling siulittaasutut issiaannarniarpoq inuusuttulli sassarnerusariaqarsorai.

- Sinerissamit sianerfigineqartarpunga qinersinermi qinerumananga siulittaasutut iluatigigaminnga. Taamaattumik eqqarsalersitsinngilaq tunuarnissamik. Qinersinerup takutippaa immikkoortortaqarfiit attaveqarfiginerusariaqarigut suleqatiginerullugillu, partiillu kinguariarnerat siumut saatittariaqarparput, Augusta Salling oqarpoq. Nangillugu oqaatigaa inuusuttut sulerusuttunik nukittuunillu ataatsimeersuarnissami sassartoqartariaqartoq.

Ellen Christoffersen Atassummi qinigassanngortittuni qinerneqarnerpaasoq oqarpoq, siulittaasutut imminut piukkunnani, Augusta Salling-llu siulittaasuuginnarnissaa kissaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat