Qeqertarsuarmi borgmesterip Augusta Sallingip atorfimmini suleriaaserisimasaa Qeqertarsuup kommuneani kommunaldirektørip Ove Berthelsenip allaganngorlugu suliarileruttorpaa.
Ove Berthelsenillu naatsorsuutigaa ualip ingerlanerani
nalunaarusiani inatsiseqarnermut allaffeqarfimmut faxikkut nassiussinnaassallugu.
Sapaatit akunneri marluk matuma siorna A/Gmi Augusta Salling pillugu allaaserisaqartoqarpoq.
Qeqertarsuarmi Siumup immikkoortortaqarfiani siulittaasup Jens Johan Brobergi borgmester Augusta Sallingip atorfini atornerlullugu imminerminut iluanaarutissaminik sulisimanerarpaa.
Kingusinnerusukkut Qeqertarsuarmi kommunalbestyrelsip immikkut ittumik ataatsimiinnermini Augusta Sallingip eqqunngitsuliorneragaanera ilumuunnginnerarpaa.