Qeqertarsuarmi kommunalbestyrelsemi qinikkat amerlanerussuteqartut isumaqatigiipput Augusta Salling atassut, borgmesterinngussasoq. Qeqertarsuarmi Atassutip suleqatigilerpaa Inuit Ataqatigiit sinnerlugu qinigaq Bia Andersen, taannalu borgmesterimut tullersortinngorpoq.
Augusta Salling-ip borgmesterinngoqqinnini nuannaarutiginerarpaa, nunalu tamakkerlugu Atassutip partiiani siulittaasuunerminut borgmesterinngornini ajoqutaassannginnerarpaa.