Atuisut ulluanni pisiniarpugut

Ullumi ulloq nunarsuarmi atuisartunut ulloritinneqarpoq. Ukioq manna Atuisartut Ulluanni avatangiisinut mingutsitsinngitsunik pisiaqarnerulernissarput anguniarlugu paasititsiniaasoqarpoq, Nuummi Katuami oqalugiartoqarluni. Nunatsinni errortassaarunneq ajorpugut, avatangiisinut mingutsitsinngitsunik errorsissuteqarnerpa? Atuisartuusugut pisianiarpugut.

Errorsissutit misissuataarpagut. OMO-t, X-trat, Biotexit Coop-it, Minerisk aamma Neutralit qimerlooratsigit paasinarpoq Coop-iminngaaneersut “Blue Care” taavalu “ Colour Coop” mingutsitsisuunngitsutut kisimik ilisarnaateqarmata. Atorluartakkagut Biotexit OMO-it X-trat atorluartakkagut ilisarnaatitaqanngillat.

Taava atuisartut aperilaassavagut

Atuisartup aappaata pisiarisartakkami ingammik errorsissutit avatangiisinut mingutsitsuunnginnerat sianiginiartarsimanerarpaa, atuisartoq alla oqarpoq nunatsinni pisiassat avatangiisinut mingutsitsisuunnginnermut ilisarnaateqarnersut maluginiartarsimanngikkini, ilisarnaatillilli amerlanerulernissaat kisssaatiginartuutippaa.

Danmarkimi atuisartoqarnermik immikkut ilisimasalik Jan Poulsen atuisartut ulluanni Nuummi Katuami oqalugiartinneqarpoq. Avatangiisinut mingutsitsinngitsunik pisiumagutta ilisarnaat qussuttalik imaluunniit Naasoq titarneq E-talik maluginiartassagipput jan Poulsen kaammattuivoq. Pisiniarnitsinni malugiarparput

Avatangiisinut mingutsitsinngitsut pisiassanit naliginnaasunit akisunerulaartut. Jan Poulsen erseqqissaavoq avatangiisinut mingutsitsinngitsut akisunerorpasissinnaagaluarlutik aannertunerusartut, soorlu errorsissutit akikinnerit mingutsitsinngitsunit tamatigut aannikinnerusartut.