Atuisup eqquiniaasitsineq unitsippaa

Nuuk Taxi-p ukiunik arfinilinngortorsiorluni juulip aallartilaarnerani eqquiniaasitsinini aallartippaa, juulilu naallugu ingerlattussaangaluarlugu.

Eqquniaasitsinermi sapaatip akunnikkaartumi pingasoriarluni makitsisoqareerpoq, makitsinermilu aningaasat 2000 aamma 1000 koruunit ilaasimasunit eqqorneqarsinnaasimallutik.

Atuisumi inatsileritooq, Mark Larsen, ilisimatitsivoq eqquniaasitsineq suliffeqarfiup tuniniagaanik pisisitseqqaarluni pimmat unitsinneqarsimasoq, tamanna nittarsaassisarnermik inatsisinik unioqqutitsinerummat.

- Atuisumit ilisimatinneqarpugut eqquiniaasitsinerput inatsisinik unioqqutitsinerusoq, taamaattumillu erngerluta unitsipparput, Nuuk Taxi-mi pisortaq Karen Bøggild oqarpoq.

Eqquiniaasitsineq suli Atuisumit unitsinneqanngikkallarmat taxanut ilaasimasoq ataaseq 2000 koruuninik eqquivoq.