Atuisunut akit 8,2 procentimik qaffariartut

Tamanna Naatsorsueqqissaartarfiup kisitsisaataani ualimut saqqummiunneqartuni atuarneqarsinnaavoq.

Atuisunut akit 2007-imi juulip aallaqqaataaniit 2008-mi juulip aallaqqaataanut 8,2 procentimik qaffariarput. Taamaalilluni aningaasat naleerukkiartornerat ukiunut kingullernut sanilliullugu qaffasinneroqaaq, siornami qaffariaat taamaallaat 2-3 procentimik qaffasissuseqarmat.

Taama atsigisumik qaffariaateqartoqarneranut tupap, imigassat inuussutissallu akiisa qaffariarnerat patsisaanerpaapput.

Tamatumunnga ilaatigut nassuiaatissaapput, iffiukkat, karrinit tunisassiat, immuup, immussuit manniillu akiisa nunarsuatsinni qaffariarnerat kiisalu siorna ukiakkut imigassat, sikaritsit sukkullu akiisa akitsuutaasa qaffanneqarnerat, atuisunut akit 8,2 procentimik qaffariarnerannut nassuiaammi Naatsorsueqqissaartarfik ilaatigut taama allappoq.