Atuisartut siunnersuisoqatigiivi ujartorneqarput

Illoqarfinni atuisartunut pisisartunullu ataatsimiititaliat 17-it Kommunerujussuarnut ukiortaami ikaarsaarnermi atorunnaarput. Nutaanillu kommunini sisamani atuisartut sinniisaannik peqalernissaq pisariaqalivissoq, atuisartunut siunnersuisoqatigiit siulittaasuat Nikolaj Ludvigsen oqarpoq.

- Maannakkut sinerissami paatsiveerusimaartoqarpoq. Nalunngilara, illoqarfinni nunaqarfinnilu kimut saaffiginnissallutik nalugaat. Ilaatigut uannut saaffiginnikkaluartut oqarfigisarpakka, kommunimut imaluunniit illoqarfimmiikkunik – kujataani Qaqortumut – saaffiginneqqullugit. Nikolaj Ludvigsen oqarpoq.

Atuisartunut siunnersuisoqatigiit 2008-p naanerani atuukkunnaarput.

- Kikkut sinniisuussanersut naluavut – pujorsuup iluaniilluinnarpugut, siulittaasoq oqarpo, nangillunilu:

-Tamanut nalunaarutigisariaqarpoq kikkut saaffiginniffissaanersut, pissutsit taamaaginnarsinnaanngillat, Nikolaj Ludvigsen oqarpoq.

Atuisartut siunnersuisoqatigiivini ilaasortassat marluk kommunalbestyrelsep nammineq toqqartarpai sinnerilu pingasut SIK-mit, Arnat Peqatigiinnit KNAPP-millu toqqarneqartarlutik.