Atuisartut siunnersuisoqatigiivi ingerlaannassanersut naluaat
Hendrik Nielsen allakkamini tusatsiarsimanerarpoq kommunet allanngortinneqarpata atuisut siunnersuisoqatigiivi atorunnaarsinneqassasut.
- KANUKOKA apeqquteqaateqarfigaarput tamanna ilumoornersoq. Akisinnaannginnamik Suliffeqarnermut naalakkersuisumut Siverth K. Heilmannimut ingerlateqqinneqaraluarmat aamma tassanissaaq akineqarsinnaasimanngilagut. Siverth K.Heilmannillu apeqquteqaat takusimannginnerarpaa.
Qaqortumi Atuisartut ataatsimiititaliaat ataatsimeeqqammersup ataatsimiititaliat pingaaruteqarluinnarsoraat, sinerissamimi saaffigineqartuartarmata.
Aperippullu: Kommunet allanngornerisa kingorna ataatsimiititaliat ingerlaannassappat, aammalu qanoq?