Atuisartut siunnersuisoqatigiiffiat mianersoqqusivoq
Atuisartut Siunnersuisoqatigiivisa mianersoqqussutigaa akiliummik aningaasanik tigusinermi akitsuutip atuutilerneragut atuisut aningaasaatitik tamakkerlugit tigusalissagaat.
Atuisartullu siunnersuisoqatigiivisa Grønlandsbankip atuisuni naammaginartumik akitsuutinik paasissutississimannginnerai.
Tallimanngormat radioaviisikkut tusarliupparput Grønlandsbankip akiliummik aningaasanik tigusineq akissaatikinnerusunik eqquisussaq akitsuiffiginialeraa, maanna Atuisartut Siunnersuisoqatigiivisa, Grønlandsbankip iliuseqalernera arlalitsigut isornartoqartikkamikku misissuiffiginialerpaat.
Siunnersorti Ane Sofie Hardenberg isumaqarpoq akitsuinialernermut allannguutissat atuisut paasiuminaatsissagaat.
Grønlandsbankimi atuisut sillimanngitsut Grønlandsbanki akitsuinialerpoq. Atuisut Qanoruukkut paasissutissinneqaqqaarsimasariaqaraluarput.
-Nammineerlunga akitsuinialernermut piumasaqaatit misissuataarakkit paasiuminaatsippakka.
Akitsuineqarmat Grønlandsbankimik atuisut aningaasaatitik ataatsikkut tamakkerlugit tigusalerpatigik Nunatta aningaasaqarneranut sunniuteqanngitsoornavianngilaq, aammalumi Grønlandsbanki aningaasanik uninngasuuteqartariaqarami maluginngitsoornavianngilaa.
Atuisummi kaasarfimmioqartillutik atuikulaarnerusartut ilisimavarput. Danmarkimilumi aningaaseriviit taamatulli akitsuinikuupput milliartinik arlalinnik iluanaaruteqarfigisaminnik. Nalinginnartullu atuisutut aperisoqarsinnaavoq Grønlandsbankip qanoq annertutigisoq pissarsiariguniuk qaarsillassanersoq. Atuisutullu paaserusunnassaaq Grønlandsbanki isertitassanik qanoq annertutigisunik isumalluartiginersoq.
