Atuartut soraarummeertut pissuserluttut
- Atuartut naggataartut imermik tipigissaatinillu seqqittaapput atuartullu minnerit miseqqap qernersaataanik kigutillu qaqorsaataanik tanillugit. Aammattaaq nerriviit issiaviillu uppikaatiterneqarput eqqaaviillu imermik litererpassuarnik immerneqarlutik.
Atuartut naggataarnersiortut pissusilersuutaasa kingunerisaanik atuartut minnerit qissallutillu annilaangatinneqartut atuarfiup pisortaa Janne Kleist Lyberth oqaluttuarpoq.
Janne Kleist Lyberth oqarpoq Nuup Kommunea atuartut naggataarnersiornerannut atatillugu malittarisassaqartoq. Malittarisassat taakku atuartunut naggataartunut agguaanneqarsimapput klasselærerilu peqatigalugu oqallisigineqarlutik.
Malittarisassani iliuutsitut akuerisat akuerineqarsinnaanngitsullu erseqqissumik allassimapput. malittarisassallu unioqqutinneqarpata naggataarnersiorneq unitsinneqassasoq atuartunut erseqqissumik ilisimatitsissutigineqareerluni.
