Atuartut kivingaqqusaanngillat

Danmarkimi Esbjergimi atuarfiit ilaanni qarliit kivingaarutit atoqqusaajunnaarput. Qarliit ima kivingatigisut, allaat inuttaat pisukkaangamik ilupaqutaat nuisaannartut, atuarfimmi pisortat isigikatalersimavaat. Taamaattumik atuarfiup atuartut kivingasunik qarleqarlutik atuariartortarnissaat inerteqqutigilersimavaa. Tamanna atuartunit nuannarineqanngeqaaq.

- Atuarfiup atuartut qanoq atisalersortarnissaat akuliuffigisassarinngilaa, atuartut siunnersuisoqatigiiffianni siulittaasoq Simon Sørensen oqarpoq.

- Taamatut inerteqquteqarneq iluatsinnavianngilaq aamma inerteqqutip malinneqarnissaa ilimaginngilara. Ilinniartitsisut tamakkua nuannarinngikkunikkit alaannartassavaat, atuartut siunnersuisoqatigiiffianni siulittaasoq Simon Sørensen oqarpoq.

Kisianni atuarfiup qullersaqarfianit inerteqquteqarniarneq ilumoorunneqarpoq.

- Atuartut kivingasunik qarleqartarnertik taamaatinnianngikkunikku, taava immaqa angajoqqaavisa meeqqamik allamik atuarfissarsiornissaat isumagisariaqassavaat, taama oqarpoq atuarfiup pisortaata tullia, Claes Sørensen.

- Angajoqqaat oqaloqatigerusunngikkunisigut, taava atuarfik pillugu inatsit unioqqutissavaat, tassanimi allassimavoq atuartoq pillugu suleqatigiittussaasugut. Suleqatiginnikkumanngippatalu inussiarnersumik aperisariaqarput meeqqamik atuarfissaannik allamik ujaasisariaqannginnersut, Claes Sørensen oqarpoq.