Atuartut Ittoqqortoormiineersut 20-t Nuummut nuupput

Atuartut soraarummeertussat 20-t ukiup atuarfiup 2012-2013-p affaani kingullermi allatorujussuaq atortussanngorpaat. Pitsaasumik ilinniarnissartik kisiat siunertaralugu Ittoqqortoormiinit nunatsinni illoqarfiit pingaarnersaannut nuussimapput.
Allattoq Peter Troelsen, Simon Uldum
marsip 19-at 2013 09:49

Atuartut borgmester Asii Chemnitz Narupimit NUIF-imi aaqqiissuussinermi tikilluaqquneqarput Hinnarillu aliikkusersuisinneqarluni.

Atuartunut attaveqaataasut aamma tamarmik qaaqquneqarput. Atuartut angerlarsimaffiini aqutsisut, ilaqutariit attaveqaataasut, atuarfinni attaveqaatit kiisalu Kapisilinniit Qeqertarsuatsiaaniillu atuartut marlussuit, Ittoqqortoormiineersut atuartut Nuummi ineqataat aamma malunnartitsilaarnermi peqataapput.

Ittoqqortoormiini atuartut Nuummut nuupput illoqarfianni ilinniartitsisussaaleqisoqarmat. Tasiilamut Nuummulluunniit nuussinnaasut qinigassinneqarput. Atuartut marluk Tasiilamut nuunniarlutik aalajangerput sinnerilu Nuummut.

9. klassini atuartut Ukaliusami atuassapput 10. klassinilu atuartut atuarfinnut pingasunut agguarneqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq