Atuartut anginerit tamarmik aningaasarsitinneqartalissapput
Meeqqat atuarfianni 9. klassimiit qummut atuartut, assigiimmik atugaqartinneqalernissaat anguneqalerpoq, Atassutip qineqqusaarnermi kingullermi qineqqusaarutaat, tassalu atuartut anginerit tamarmik atuarnerminnut atatillugu aningaasarsitinneqartalernissaat, ippassaq inatsisartuni ataatsimiinnermi eqqartorneqarmat. Siunnersuut partiit tamarmik isumaqatigaat, siusinnerpaamilli aappaagu piviusunngorsinnaavoq.
Atassummeersoq Augusta Salling ima oqarpoq:
- Aningaasanut inatsimmi suliaqarnermi taakkua nassaarineqassapput. Massakkut inatsartut tamarmiusut isumaqatigiissutigaat atuutilissasoq, apeqqutaaginnalerpoq qaqugu. Uagut siunnersuutigivarput aappaagu atuutilissasoq, massakkut tassa isumaqatigiinniutigissavarput qaqugu atuutilissanersoq. Augusta Salling oqarpoq.
Atuartut anginerit tamarmik atuartuunersiuteqalernissaannut atatillugu, aningaasat atugassat, aningasanut inatsisissami ujarneqassasut Augusta Salling aamma oqarpoq.
